Günay Əfəndiyeva: Mədəniyyətə ayrılan vəsait gələcək nəsillərə qoyulan sərmayədir

Milli Məclisin Mədəniyyət komitəsinin sədr müavini Günay Əfəndiyeva bildirib ki, mədəniyyətə ayrılan vəsait xalqın tarixi yaddaşına, milli kimliyinə, mənəvi dəyərlərinə və gələcək nəsillərin mədəni-intellektual inkişafına qoyulan sərmayədir. O, bunu parlamentin üç komitəsinin birgə iclasında "2027-ci il dövlət büdcəsi haqqında" qanun layihəsinin müzakirəsində deyib. Deputat Qarabağ və Şərqi Zəngəzurda abidələrin bərpasına ayrılan vəsaitin, həmçinin xaricdəki Azərbaycan mədəniyyət mərkəzlərinin xərclərinin artırılmasının mühüm olduğunu qeyd edib.