Akademik Əliquliyev: Süni intellekt qlobal siyasət və təhlükəsizlik amilinə çevrilir

AMEA-nın vitse-prezidenti, akademik Rasim Əliquliyev bildirib ki, süni intellekt artıq yalnız texnoloji yenilik deyil, qlobal siyasət və təhlükəsizlik baxımından strateji əhəmiyyət daşıyan amildir. Onun sözlərinə görə, bu səbəbdən süni intellektin fəaliyyətinin idarə olunması, etik prinsiplərinin və hüquqi çərçivəsinin müəyyənləşdirilməsi vacibdir. Akademik vurğulayıb ki, tənzimləmə inkişafın dayandırılması deyil, mümkün təhlükələrin əvvəlcədən müəyyənləşdirilməsi və qarşısının alınması məqsədi daşıyır.